चंदगड प्रतिनिधी : चंदगड मतदारसंघातून दौलत-अथर्वचे चेअरमन मानसिंग खोराटे सोमवारी (ता. २८) रोजी सकाळी ११ वाजता जोरदार शक्तीप्रदर्शन करत चंदगड येथील तहसिल कार्यालयात उमेदवारी अर्ज दाखल करणार आहेत. त्या दिवशी कार्यकर्ते,शेतकरी,कामगार,वाहतूकदार व हितचिंतकांनी उपस्थित राहण्याचे आवाहन केले आहे.
चेअरमन मानसिंग खोराटे यांनी जनआशीर्वाद यात्रेच्या माध्यमातून प्रचाराचा धडाका लावला असून त्यांनी मतदारसंघातील गावखेडी पिंजून काढली आहेत. तर श्री.खोराटे यांनी चंदगड मतदारसंघाच्या सर्वांगीण विकासाचे धोरण घेवून प्रचार सुरु ठेवला आहे. चंदगडचा बंद पडलेला दौलत कारखाना पुन्हा सुरु करण्याचं धाडस त्यांनी दाखवले आहे. गेल्या पाच वर्षात तो सुरळीत चालवून टॉप पाच कारखान्यामध्ये कारखाना पोहचवल्याने त्यांच्याकडून लोकांच्या अपेक्षा वाढल्या आहेत. त्यांनीही याच मुद्द्यावर चंदगड मतदारसंघातील चंदगड,आजरा,गडहिंग्लजसह संपूर्ण मतदारसंघाचा विकासाचे व्हिजन घेवून निवडणूकीला सामोरे जात आहेत.
सोमवारी (ता:२८) रोजी उमेदवारी अर्ज भरण्यासाठी सकाळी दौलत कारखाना स्थळावरून रॅलीने मोठे शक्त प्रदर्शन करत चंदगड तहसिल कार्यालयात उमेदवारी अर्ज भरला जाणार असून सर्वांनी मोठ्या संख्येने उपस्थित राहण्याचे आवाहन करण्यात आले आहे.
