कोल्हापूर प्रतिनिधी : राष्ट्रवादी काँग्रेस पक्षातर्फे जिल्हा परिषद व पंचायत समितीसाठी निवडणूक लढवू इच्छिणाऱ्या इच्छुकांच्या तालुकानिहाय मुलाखती शनिवारी दि. दहा व रविवार दि. ११ रोजी होणार आहेत. कोल्हापुरात शाहू मार्केट यार्ड परिसरात असलेल्या राष्ट्रवादी काँग्रेस पक्षाच्या कार्यालयात या मुलाखती होणार असल्याची माहिती राष्ट्रवादी काँग्रेस पक्षाचे जिल्हाध्यक्ष बाबासाहेब पाटील- आसुर्लेकर यांनी प्रसिद्धी पत्रकाद्वारे दिली आहे. या मुलाखतीवेळी वैद्यकीय शिक्षण मंत्री हसन मुश्रीफ, माजी आमदार के. पी. पाटील,माजी आमदार राजेश पाटील,प्रदेश उपाध्यक्ष मानसिंगदादा गायकवाड, जिल्हा परिषदेचे माजी अध्यक्ष राहुल पाटील- सडोलीकर आदी प्रमुख उपस्थित राहणार आहेत.
मुलाखतींचा तालुकानिहाय कार्यक्रम खालीलप्रमाणे
शनिवार दि. दहा रोजी…..
सकाळी नऊ ते अकरा: करवीर. अकरा ते साडेअकरा: गगनबावडा. साडेअकरा ते साडेबारा: पन्हाळा. साडेबारा ते दीड: शाहूवाडी. दीड ते अडीच: राखीव. अडीच ते साडेतीन: हातकणंगले. साडेतीन ते पाच: कागल.
रविवार दि. ११ रोजी …..
सकाळी नऊ ते साडेदहा: राधानगरी. सकाळी साडेदहा ते साडेअकरा: भुदरगड. दुपारी साडेअकरा ते साडेबारा : आजरा. दुपारी साडेबारा ते दीड: चंदगड. दुपारी दीड ते अडीच: राखीव. दुपारी अडीच ते साडेतीन: गडहिंग्लज. साडेतीन ते पाच: शिरोळ.
